अनमोल केसी, जसिता गुरुङ र आँचल शर्मा स्टारर फिल्म ‘जेरी अन टप’को पोस्टर रिलिज भएका छन् । विहिबार पोस्टर सँगै प्रदर्शन मिती समेत रिलिज गरिएको हो । मल्टीस्टारर फिल्म असोज ३१ गते (१७ अक्टोबर)मा रिलिज हुनेछ।
सार्वजनिक ३ पोस्टरमध्ये दुईमा अनमोल र जसितालाई चित्रण गरिएको छ । अर्कोमा आँचल शर्मासँग अनमोल देखिएका छन् । जसले यी तीन पात्रबीचको त्रिकोणात्मक सम्बन्ध देखिन्छ । फिल्ममा अनमोल, जसिता र आँचलसँगै भुवन केसी, उषा खड्गी र केदार घिमिरेको समेत अभिनय छ।
सरोज न्यौपाने निर्मित फिल्मलाई सुयोग गुरुङले निर्देशन गरेका हुन् । कथा हेमराज बीसीको छ । निर्मातामा रोविन शेरचन, रामकृष्ण श्रेष्ठ र दीपक भण्डारीले फिल्म निर्माण गरेका हुन्।
