पल शाहको ‘मोहर’ हेर्न साथमा अभिभावक चाहिने पल शाहको ‘मोहर’ हेर्न साथमा अभिभावक चाहिने

यो शुक्रबार, साउनको २३ गतेबाट रिलिजमा आउने फिल्म मोहर सेन्सर पास भएको छ । सेन्सर वोर्डले यो पल शाह स्टारर फिल्मलाई पिजी अर्थात् बालबालिकालाई अभिभावकको साथमा हेर्नु पर्ने गरी प्रमाण पत्र उपलब्ध गराएको छ।

नायक शाह फिल्मको प्रचारका क्रममा चितवन पुगेका छन् । चितवनमा आयोजना भएका विभिन्न कार्यक्रममा उनी सहभागी भए । उनले, चितवनको म्याङ्गो हल, पर्सामा आयोजित एक कार्यक्रममा दर्शकहरुसँग साक्षात्कार गरे । फिल्मको गीतमा समेत पल र दर्शक नृत्य गरेका थिए।

नायक शाह र गायक थानेश्वर गौतमले चितवनका दर्शकसँग फिल्म हेर्न आग्रह गरेका थिए । दर्शकहरुले पनि फिल्मको ट्रेलर र गीतसंगीतले प्रभावित बनाएको भन्दै आफूहरु ‘मोहर’का लागि उत्साहित भएको प्रतिक्रिया दिएका थिए । पलले दर्शकहरुसँग बसेर ‘मोहर सफलताको केक’ समेत काटेका थिए । चितवनका दर्शकसँग साक्षात्कार गरेका पलले आज पोखरामा आयोजना हुने कार्यक्रममा दर्शकसँग भेटघाट गर्नेछन् । पोखरामा पनि पलले फिल्मको गीतमा दर्शकसँग नृत्य गर्नेछन्।

फिल्म मेकर्स प्रा.लिको व्यानरमा निर्माण भएको यो फिल्मलाई ओम प्रतिकको लेखन तथा निर्देशनमा तयार पारिएको हो । फिल्मका निर्माता चुम्बन जंग शाही हुन् । यो फिल्ममा पल शाह, नीति शाह, बेनिशा हमाल, अर्जुन जंग शाही, लक्ष्मी गिरी, सारा शर्मा, रवीन्द्र झा लगायतका कलाकारहरुको अभिनय छ ।

देउकी प्रथाको कथामा आधारित यो फिल्मको सेन्सर समेत भएको छ । चलचित्र सेन्सर बोर्डले यो फिल्मलाई ‘पीजी सर्टिफिकेट’ दिएको छ । अब, यो फिल्म हेर्नका लागि १६ वर्ष मुनीका बालबालिकाले बाबुआमाको साथमा हल पुग्नुपर्नेछ ।
यो फिल्मको प्रचार सामाग्रीले दर्शकको माया पाइरहेका कारण बक्स अफिसमा फिल्मले सुखद ओपनिङ गर्ने विश्वास गरिएको छ।

केहि भन्नु छ?

Copyright © Ramailo6 - All right reserved. Designed by Zookti