आरबिके प्रोडक्शनले नेपालका विभिन्न सहरमा गाईजात्रा विशेष कार्यक्रमका साथ हास्य यात्रा गर्ने भएको छ । कमेडी च्याम्पियन सिजन ३ बाट चर्चामा आएका कमेडीयन रिषभ काफ्लेले ‘झानेको पिज्जा’ नामक लाईभ स्ट्याण्ड अप कमेडी नेपाल टूर गर्ने भएका हुन । कार्यक्रम देशका प्रमुख पाँच शहर पोखरा, भैरवा, विराटनगर, चितवन र राजधानी काठमाण्डौमा हुने आयोजकले बताएको छ । कार्यक्रमको मुख्य प्रायोजक खल्ती बाई आई एम ई रहेको छ । टिकटिङ पार्टनर समेत रहेको ‘खल्ती बाई क्ष्ःभ्’ बाट दर्शकले सजिलै टिकट बुक गर्न सक्नेछन्।
रिषभ कमेडी च्यम्पियन सिजन ३ का उपविजेता समेत हुन् । च्याम्पियनकै एक एपिसोडमा प्रस्तुती दिनेक्रममा उनले ‘झानेको पिज्जा’ शब्द पहिलो पटक निकालेका थिए जसले सर्वाधिक वाहवाही पाएको थियो ।‘झानेको पिज्जा’ टुरको दैरानमा रिषभ काफ्लेले एक घण्टा लामो लाईभ स्ट्यान्डअप प्रस्तुती दिने छन् । हास्य रसको स्वाद र सामाजिक व्यंग्यको मज्जा एकै साथ लिन चाहने दर्शकका लागि कार्यक्रम निकै रमाइलो अनुभव हुने आयोजक पक्षको भनाइ छ । टुरको पहिलो कार्यक्रम साउन २३ गते पोखराको बाजेको सेकुवा हुनेछ। त्यसपछि साउन २४ मा भैरहवा बोधि भिल्ला, २५ मा काठमाडौं द हिबाची प्यालेस, लाजिम्पाट, २८ मा विराटनगर ह्यापी आवर हेभन र ३१ मा चितवन हंग्री टममा कार्यक्रम हुने जनाइएको छ।
यस टुरका टाइटल स्पोन्सर तथा टिकटिङ पार्टनर ‘खल्ती बाई क्ष्ःभ्’ रहेको छ, जसबाट दर्शकले सजिलै टिकट बुक गर्न सक्नेछन्। वार्डरोब पार्टनर ‘ग्यारेज’, हस्पिटालिटी पार्टनर ‘होटल पौवा’, एयरलाइन्स पार्टनर ‘बुद्ध एयर’, र प्रायोजक ‘आरजु राइस मिल’ रहेका छन्।
हास्यलाई जीवनको अङ्ग मान्दै प्रस्तुत गरिएको ‘झानेको पिज्जा’ टुरले नेपाली दर्शकमा नयाँ स्वादको व्यंग्य पस्कने आशा गरिएको छ। आयोजकले देशका विभिन्न सहरमा दर्शकहरूको राम्रो सहभागिता रहने विश्वास व्यक्त गरेका छन् ।
