नीता र दिपाको बाह्र वर्षपछि ‘पार्वती’ मा सहकार्य नीता र दिपाको बाह्र वर्षपछि ‘पार्वती’ मा सहकार्य


नीता ढुंगानाले निर्माण, निर्देशन र अभिनय गर्ने फिल्म ‘पार्वती’मा दीपाश्री निरौला अनुबन्धि भएकी छन् । मंगलबार दिपालाई नीता फिल्मसले औपचारिक रुपमा अनुबन्धित गरेको हो।

‘हामीबीच सल्लाह सुझाव भइरहेको थियो, मौखिक रुपमा हामी ओके थियो,’दीपाश्रीलाई फिल्ममा अनुबन्धन गर्दै निताले भनिन्,‘आज (मंगलबार)चाही फाइनल हुनु भएको छ दिदी । मेरो प्रोजेक्टमा दिदी हुनु मेरो लागि ठुलो कुरा हो ।’ निताले दीपाश्रीलाई फिल्ममा मुख्य अभिनेत्रीकै रुपमा अनुबन्धन गरेको बताईन् । फिल्ममा अनुबन्ध भएपछि दीपाश्रीले १२ वर्षअघि नितासागको सहकार्यलाई सम्झिइन् ।

‘आजभन्दा १२ वर्षअघि अर्थात वि.स.२०७० सालमा ’छ एकान छ’मा हामीलाई हेल्प गरेकी थिइन्, निताको तारिफ गर्दै भनिन्, ‘१२ वर्षपछि खोलो फर्कियो भने जस्तै मलाई अनुबन्ध गराएकी छौँ ’पार्वती’मा । अहिले यो साउनको महिना, शिव पार्वती जोडिएको महिना र पार्वती जस्तो फिल्ममा लिड रोलमा मौका पाएँ । धन्यवाद छ मलाई सम्झेकोमा ।’

निताले १२ वर्षअघि उहाँले मलाई फिल्ममा सम्झिनु भएको र १२ वर्षपछि मेरो डाइरेक्टरमा दीपाश्रीलाई लिन पाएकोमा खुशी व्यक्त गरिन् । दीपाश्री छक्का पञ्जा टिमकी सफल निर्देशक तथा अभिनेत्री समेत हुन् । उनले निर्देशन गरेका अधिकांश फिल्म सफल भएका छन् । त्यस कारण पनि यो फिल्ममा उनी अनुबन्धित हुँदा अर्थपुर्ण तरिकाले हेरिएको छ ।

दीपाश्री अनुबन्ध हुनु अघि यो फिल्मका लागि चर्चित डान्स ग्रुप ‘कार्टुन्ज क्रू’का सरोज अधिकारी सहायक निर्देशकको रूपमा अनुबन्ध भैसकेका छन् ।सफल अभिनेत्री तथा निर्देशक नीता ढुंगाना अधिकारीले निर्देशन गर्न लागेको फिल्ममा उनी आफै मुख्य भुमिकामा अभिनय गर्दैछिन् ।

आगामी असोजदेखि छायांकन सुरु हुने यो फिल्मको दुई वटा पोस्टर समेत सार्वजनिक भइसकेका छन् । निर्माण टिमले गत शनिबार दुई पोस्टर सार्वजनिक गर्दै फिल्मको प्रदर्शन मिति पनि घोषणा गरिसकेको छ। फिल्म आगामी माघ १ गतेदेखि प्रदर्शनमा आउनेछ । फिल्ममा नीता, दीपाश्री बाहेक अन्य कलाकारहरूको नाम भने निमाृण टिमले खुलाएका छैनन् । निर्देशक निताका अनुसार कलाकार र प्राविधिक टिमबारे जानकारी क्रमशः सार्वजनिक गरिनेछ ।

फिल्मको कथा नीता ढुंगानाले लेखेकी हुन् भने पटकथा तथा संवाद शिवम् अधिकारीले तयार पारेका हुन् । छायांकन कविर लाल र शाहिद लालले गर्नेछन् । फिल्ममा सावित्रा अधिकारी, नरहरी अधिकारी र पवन ढुंगानाले लगानी गर्नेछन् ।

केहि भन्नु छ?

Copyright © Ramailo6 - All right reserved. Designed by Zookti