फिल्म ‘जनै हराएको मान्छे’ हेरेर हलमा दर्शक रुदै निस्किएका छन् । बालबालिका देखि वृद्धसम्म बिजय बराल, केकी अधिकारी, मिरुना मगर र गौरव पहारी अभिनित फिल्म हेरेर भाव्वीहल भएका हुन् । रोएका दर्शकलाई यी कलाकारहरुले सान्त्वना दिएका तस्बिर तथा भिडियो सामाजिक सञ्जालमा सेयर भैरहेका छन्।
फिल्म बारे केकी भन्छिन्, “हाम्रो समाजमा कति आफ्नै आर्थिक अवस्था कमजोर हुँदा र कतिपय अवस्थामा सामाजिक परिवन्धले माइतीलाई सहयोग गर्ने अवस्था हुँदैन,” केकी भन्छिन्, “जनै हराएको मान्छेमा बुवासँग कसरी छोरी छुटेर टाढा पुग्छिन् र भाइसँगको सम्बन्ध कस्तो रहन्छ भन्ने देखाइएको छ । छोरीहरू कसरी खुलेर कुरा गर्न सक्दैनन्, त्यो देखाउन पनि छोरीहरूले बुवाको मुख हेर्ने दिन यो सिनेमा हेर्न लैजानुपर्छ ।”
यस्तै, अभिनेत्री मिरुना मगरले दर्शकको अनुभव साझा गर्दै भनिन्, “हाम्रो समाज अन्तरमुखी छ । धेरै कुरा मनमा राख्छौं तर अभिव्यक्त गर्न सक्दैनौं । दर्शकले यो फिल्मले आफ्नो मनको कुरा बोलेको भन्दै धन्यवाद दिएका छन् ।” लाविम महल, सिटी स्क्वायर, सिभिल महल, एफक्युबलगायतका महलमा पुगेका विजय बराल, केकी अधिकारी, मिरुना मगर, गौरव पहाडी, भोलाराज सापकोटालगायत कलाकार दर्शकको प्रतिक्रिया लिन हलमा पुगेका थिए ।
“हाम्रो समाज अन्तरमुखी छ । हामी कति कुरा चाहेर पनि बुवाआमालाई भन्न सक्दैनौँ । बुवाआमाको अथाह माया लाग्छ, उहाँहरूलाई कसरी खुसी र सुखी राख्ने भनेर दिनरात काम गरे पनि भन्न सक्दैनौँ,” मिरुनाले भने, “दर्शकले आफ्नो कथा सिनेमाले भन्दिएको भन्दै धन्यवाद दिनु भएको छ । आफ्नो मनको कुरा भन्न नसक्नेहरूले त झनै यो सिनेमा देखाउनुपर्छ ।”
शुक्रबारबाट रिलिज भएको ‘जनै हराएको मान्छे : सम्बन्धका धागाहरू’लाई हलमा दर्शकको वर्ड अफ माउथ सकारात्मक छ । शुक्रबार र शनिबार फिल्मको व्यापार औषत देखिएका छ, निर्माण पक्षले व्यापार बढ्ने अपेक्षा राखेको छ ।
हिमाल न्यौपानेले निर्देशन गरेको ‘जनै हराएको मान्छे’ चलचित्रको असोसिएट निर्देशकमा ‘प्रेमगीत ३’ अभिनेता मनिष राउत छन् । पेपरक्लिपको ब्यानरमा निर्माण भएको फिल्मका निर्माता कमल न्यौपाने र विमल न्यौपाने हुन् ।
