अभिनेता केदार घिमिरे माग्ने बुढा स्टारर फिल्म ‘माग्ने राजा’को शीर्ष गीत सार्वजनिक भएको छ । गीतमा शीर्ष पात्रको रुपमा देखिएका केदार घिमिरे विभिन्न ‘माग्ने राजा’ अवतारमा प्रस्तुत भएका छन्।
केदार घिमिरेसँगै गीतमा विल्सनविक्रम राई पनि देखिएका छन् । गीतको अन्त्यमा पैसाको लागि कसैलाई दुःख दिन नहुने र पढ्ने बेलामा राम्रोसँग पढ्नुपर्ने सचेतना सन्देश पनि दिइएको छ । सार्वजनिक गीत रमाइलो र सन्देशपरक देखिन्छ । दर्शकले पहिलोपटक केदारलाई भिन्न चरित्रमा देख्न पाउनेछन् । मधुसुधन शर्माको लगानी रहेको फिल्मलाई ऋषि लामिछानेले निर्देशन गरेका हुन्।
फिल्म माग्ने राजाको पटकथा सामिप्यराज तिमल्सेनाको छ । भदौ ६ गतेदेखि प्रदर्शन तयारीमा रहेको फिल्ममा केदारसँगै विल्सन र अभिनेत्री बर्षा सिवाकोटीको अभिनय छ ।
