अभिनित फिल्म ‘मोहर’ यो शुक्रबारबाट रिलिज भैरहेको छ । फिल्मलाई दर्शकले सकारात्मक प्रतिक्रिया दिएपछि अभिनेता शाह भावुक बने । देउकी प्रथा विरुद्धको विषयमा बनेको फिल्म पल, बेनिशा हमाल र नीति शाहको त्रिकोणात्मक प्रेम छ ।
शुक्रबार बिहानी शोमा आयोजित फिल्मको विशेष शोमा फिल्म हेरेका अधिकांश पत्रकार र दर्शकले पनि ‘मोहर’ अपेक्षा गरेको भन्दा धेरै राम्रो बनेको बताए । दर्शकबाट समेत फिल्मलाई सकारात्मक प्रतिक्रिया आएपछि नायक पल शाह भावुक देखिए । काठमाडौंको बीग मुभिजमा पुगेका पल आफू बोल्न नसक्ने अवस्थामा रहेको सुनाए । पलले भने–‘अहिले म बोल्न सकिरहेको छैन । एउटा कलाकारका लागि निर्देशक र टिम बलियो भयो भने उसले काम देखाउन सक्छ । यसपटक हामीले निकै मिहिनेत पनि गरेका थियौं । दर्शकको प्रतिक्रियाबाट मिहिनेत सफल भएको भन्ने लागेको छ ।’
यता, नायिका नीति शाह पनि भावुक देखिइन् । नीतिको यसअगाडिका फिल्ममा कामको आलोचना भएपनि यो फिल्ममा भने प्रशंसा भइरहेको छ । नीतिले आफूले यही क्षेत्रमा केही गर्न चाहेकाले मिहिनेत गर्नुपर्छ भन्ने सोचेको बताइन् । फिल्म ‘मोहर’को व्यापार भोलिका दिनमा बढ्नेमा विश्वस्त छन्, निर्माता चुम्बन जंग शाही ।
यता, नायिका बेनिशा हमालको पनि कामको प्रशंसा भइरहेको छ । बेनिशा पनि दर्शकबाट पाएको प्रतिक्रियाले आफू भावुक बनेको सुनाइन् । फिल्म ‘मोहर’ले देउकी प्रथाको कथालाई मुख्य आधार बनाएको छ । तर, पल, बेनिशा र नीतिको त्रिपक्षिय प्रेमले दर्शकलाई बाँधेर राख्ने पक्का देखिएको छ ।
फिल्मको बलियो वर्ड अफ माउथले व्यापार बढ्ने विश्वास निर्माण पक्षको छ । यो फिल्ममा पल शाह, नीति शाह, वेनिशा हमाल, अर्जुन जंग शाही, लक्ष्मी गिरी, मिथिला शर्मा, रवीन्द्र झा, सारा शर्मा लगायतका कलाकारहरुको अभिनय छ ।
