फिल्म ‘तिनीहरू : एलिफेन्ट्स इन द फग’ ले न्यूजिल्यान्ड अन्तर्राष्ट्रिय चलचित्र महोत्सवमा उत्कृष्ट फिल्मको पुरस्कार जितेको छ ।
न्युजिल्यान्ड इन्टरनेसनल फिल्म फेस्टिभलमा ‘तिनीहरू’ का सबै शोज हाउसफुल भएका थिए । यसै कारण यसले अडिएन्स च्वाइस अवार्ड समेत जितेको छ।
यो फिल्मले यसअघि कान्स फिल्म फेस्टिभलको अन सर्टेन रिगार्ड विधामा जुरी पुरस्कार जित्दै ऐतिहासिक अन्तर्राष्ट्रिय यात्रा तय गरेको थियो ।
अविनाशविक्रम शाह निर्देशित यो फिल्म नेपालमा १९ भदौदेखि प्रदर्शन तयारीमा छ ।
