फिल्म बनेर तयार भयो । रिलिज नहुँदै कोभिड महामारीले देश ठप्प बन्यो । त्यतिञ्जेलसम्म टिम छिन्नभिन्न भैसकेको थियो । धेरै लामो ग्यापमा रिलिज गर्दा पनि बदलिएको मेकिङ स्टाइलसँग कसरी अभ्यस्त हुने भन्ने चुनौति ।
‘भाग्य भनौं, यहाँसम्म आइपुगियो,’ उनी भन्छन्, ‘अहिलेको लागि मेरो सपना पूरा भएको हो । यो मेरो लागि ठूलो जीत हो ।’ यो ‘जीत’को अर्थ बुझ्न सोनालको फिल्मप्रतिको आकर्षण सुरु भएको समयसम्म पुग्नुपर्छ ।
फिल्म सकिँदासम्म उनको मनमा अर्को विचार आइसकेको थियो ।
‘नेपाल आएपछि मैले “होस्टेल” मूभीको पोस्टर जतासुकै देखेको थिएँ,’ सोनाल सम्झन्छन्, ‘नेपाली फिल्ममा गुड लुकिङ एक्टर आउँदै हुनुहुँदो रहेछ भन्ने लागेर पहिलोपटक नेपाली फिल्म “होस्टेल” हलमा गएर हेरेको थिएँ । त्यसको इन्डिङ टाइममा मैले पनि ट्राइ गर्छु भन्ने लाग्यो ।’
त्यो सोच तत्कालै फिल्ममा बदलिएको थिएन । समय लाग्यो । पछि निर्देशक राजु अधिकारीसँग भेट भयो । फिल्म गर्नेबारे कुराकानी अघि बढ्यो र अन्ततः ‘माया बस्छ कि के हो’सम्म यात्रा आइपुग्यो । फिल्मको पटकथा मौनता श्रेष्ठले लेखेका हुन् ।
अन्ततः उनको अठोटको जित भयो । अब यो फिल्म २ असोजमा देशब्यापी प्रदर्शनमा आउँदैछ । फिल्ममा शीर्ष भूमिका निर्वाह गरेका सोनालका लागि यसको प्रदर्शन सामान्य रिलिजभन्दा बढी अर्थ राख्छ ।
तर, सोनाल तामाङ यी चुनौतीबाट पछि हटेनन् । उनका लागि यो ‘माया बस्छ कि के हो’ केवल फिल्म मात्र थिएन, योसँग उनको करिअरको ढुकढुकी अड्किएको थियो । उनले अठोट लिए- कोभिडले सिर्जना गरेको अवरोधलाई छिचोल्दै अब जसरी भएपनि फिल्म दर्शकमाझ लैजाने ।
चितवनमा जन्मिएका सोनालले सानैदेखि दार्जिलिङको कर्साङमा होस्टेल बसेर पढे । बेलाबेला नेपाल आउँथे । त्यही क्रममा एकपटक काठमाडौंमा जताततै एउटा नेपाली फिल्मको पोस्टर देखे, ‘होस्टेल’ ।
अनमोल केसी अभिनीत उक्त फिल्मको पोस्टरले उनको ध्यान खिच्यो । नेपाली फिल्ममा नयाँ पुस्ताका कलाकार आइरहेको अनुभव उनलाई भयो । त्यसपछि उनी पहिलोपटक नेपाली फिल्म हेर्न हल पुगे ।
यसमा उनको नेपाली फिल्मप्रतिको लगाव पनि जोडिएको छ । आफूलाई उद्योगबाट टाढा रहन मन नलागेको उनी बताउँछन् । ‘मैले नै माया नगर्ने भए, यो फिल्म यहाँसम्म आउने थिएन,’ उनी भन्छन् ।
अहिले चितवनमा बस्ने सोनाल फिल्मको प्रवद्र्धनका लागि काठमाडौं आएका छन् । पहिलो फिल्म प्रदर्शनको संघारमा रहँदा उनी आफ्नो आगामी बाटोबारे पनि स्पष्ट हुन खोजिरहेका छन् ।
तत्कालका लागि उनको रुचि प्रेमकथामै छ । एक्सनमा एकैपटक प्रवेश गर्नुभन्दा त्यसका लागि सिक्नुपर्ने उनको बुझाइ छ ।
‘अब मलाई लभस्टोरी फिल्ममै केन्द्रित हुन मन छ,’ उनी भन्छन्, ‘एक्सनमा एकैपटक जम्प गर्दा सिक्नुपर्ने हुन्छ । इन्डष्ट्रिमा आउँदैछु ।’
तर त्यो बाटो कस्तो हुनेछ भन्ने निष्कर्ष उनले अहिले नै निकालिसकेका छैनन् । पहिलो फिल्मको नतिजा र त्यसपछि आउने प्रतिक्रियालाई उनी सुन्न चाहन्छन् । प्रशंसा मात्र होइन, आलोचनालाई पनि आगामी यात्राको एउटा आधार बनाउने उनको भनाइ छ ।
तर म्युजिक भिडियोमा काम गर्नुलाई उनले फिल्म उद्योगमा आफ्नो औपचारिक प्रवेश मानेनन् ।
‘आजको दिनमा रिलिज भएको दिन इन्डष्ट्रिमा कदम राखेँ भन्नका लागि पनि मेरो चलचित्र मैले अगाडि ल्याउनुपर्छ,’ उनी भन्छन्, ‘अघि बढ्न मेरो “स्टेपिङ स्टोन” यही नै हो भनेर कस्सिएको हुँ ।’
त्यसैले ढिलाइले उनलाई फिल्मबाट अलग गरेन । बरु फिल्म प्रदर्शनसम्म ल्याउनुपर्ने अडान बलियो बनायो ।
‘मैले यो चलचित्रलाई फोकस गरेर यहाँसम्म ल्याएको हुँ,’ उनी भन्छन्, ‘अहिलेको टाइममा रिलिज हुनु नै ठूलो भन्छु म चाहिँ ।’
‘सुरुमा म यसको नतिजा हेर्छु,’ सोनाल भन्छन्, ‘लभ र हेटको कमेन्ट आउँछ, त्यसलाई मनमा राखेर अघि बढ्छु ।’
‘यहाँसम्म आइपुग्दा म ब्याक हुने सिचुएसन आउँदैन,’ उनी भन्छन् ।
‘माया बस्छ कि के हो’लाई नेपालपछि विदेशमा पनि प्रदर्शन गर्ने तयारी भइरहेको सोनाल बताउँछन् । तर अहिले उनको अगाडिको पहिलो खुड्किलो असोज २ नै हो ।
किनकि पाँच वर्षदेखि म्युजिक भिडियोमा देखिइरहेका सोनालले आफ्नो अभिनय यात्राको गणना त्यहाँबाट गरेका छैनन् । उनका लागि त्यो गणना फिल्म हलमा लागेपछि मात्रै सुरु हुनेछ ।
‘यो फिल्मबाट एक्टिङ करिअर अघि बढाउँदैछु,’ उनी भन्छन्, ‘माया गरिदिनुहोला ।’
