मल्टीस्टारर फिल्म जेरी अन टमको टिजरलाई दर्शकले रुचाएका छन् । अनमोल केसी, आँचल शर्मा र जसिता गुरुङ स्टारर फिल्मको टिजरलाई दुई दिनमा दश लाख बढी भ्युज छ । टिजर रिलिजसँगै अनमोलको फिल्मप्रति दर्शकको चासो बढेको छ । टिजर :
सुयोग गुरुङ निर्देशित फिल्म ‘जेरी अन टप’मा अनमोल, आँचल र जसिता बिचको त्रिकोणात्मक प्रेम कथा छ । आँचलले अनमोलसँग पहिलो पटक जेरी अन टपमा स्क्रिन सेयर गरेकी हुन् । त्यसैले पनि यी दुई केमेस्ट्री कस्तो देखिएला भन्ने कौतुहलता थियो । टिजर रिलिजसँगै अनमोल र आँचलले पर्दामा निर्वाह गरेको भूमिकाको प्रशंसा भैरहेको छ । जसिता र अनमोलको जोडीलाई दर्शकले फर्की फर्कीमा रुचाइसकेका छन् । दोश्रो पटक दर्शकमाझ आउन लागेका अनमोल र जसिताका लागि पनि फ्यानको पर्खाइ व्यग्र छ।
फिल्म जेरी अन टपमा अनमोल, आँचल र जसितासँगै भुवन केसी, केदार घिमिरे (माग्ने बुढा), उषा खड्गी लगायतको अभिनय छ । मल्टीस्टारर प्रतिक्षित फिल्म तिहारको अवसर पारेर असोजको ३१ गतेदेखि रिलिज हुनेछ ।
