‘हरिबहादुरको जुत्ता’को टिजरले कत्तिको हँसायो ?

फिल्म ‘हरिबहादुरको जुत्ता’ को टिजर सार्वजनिक भएको छ । टिजर अभिनेता हरिवंश अचार्य केन्द्रमा छन् भने स्वस्तिमा खड्का, प्रकाश सपुत र प्रियंका कार्की पनि प्रस्तुत छन् । दिपेन्द्र के.खनाल निर्देशित फिल्म असोज १३ गतेबाट प्रदर्शनमा आउँदैछ । टिजर :

एसएम मोसन पिक्चर्सको ब्यानरमा निर्माण भएको फिल्मलाई सरोज ओली र मोहितवंश आचार्यले निर्माण गरेका हुन् । फिल्मको छायांकन कृष्ण बहादुर थापा, सम्पादन नकुल खड्काले गरेका छन् । संगीतमा वसन्त सापकोटा, दीपक शर्मा र प्रकाश सपुत छन् भने स्वरमा आशिस अविरल, समीक्षा अधिकारी, मोहितवंश आचार्य, समिर खरेल र सज्जा चौलागाई रहेका छन्।

फिल्ममा हरिवंश, स्वस्तिमा, प्रकाश र प्रियंकासँगै दिव्य देव, हरिहर शर्मा, राजाराम पौडेल, दिनेश काफ्ले, कमलमणी नेपाल लगायत कलाकारहरूको अभिनय पनि समावेश छ । दशैँमा दर्शकलाई हाँसो, रमाइलो र भावनात्मक यात्रा दिने वाचा गर्दै ‘हरिबहादुरको जुत्ता’ रिलिज हुन लागेको छ ।