फिल्म ‘अभिमन्यु : च्याप्टर–१’को ट्रेलर रिलिज भएको छ। बिहिबार प्रेसमिट गर्दै भदौ २७ गतेबाट प्रदर्शनमा आउने फिल्मको प्रोमो रिलिज गरिएको हो । फिल्मको केन्द्रिय भूमिकामा कलाकार कामेश्वर चौरासिया प्रस्तुत छन्।
कामेश्वरसँगै फिल्ममा लक्ष्मी बर्देबा, सरिता गिरी, गौमाया गुरुङ, शिशिर वाङ्देल, किरण श्रेष्ठ, प्रकाश दाहाल, सुष्मा निरौला छन् । सेभेन सिज सिनेमाको प्रस्तुती रहेको फिल्म ‘अभिमन्यु : च्याप्टर–१’लाई सुशान्त गौतमले निर्देशन गरेका छन् । मुकेश खनालको लेखन रहेको फिल्मको क्रिएटिभ निर्देशक मदन थापा हुन्।
‘अभिमन्यु : च्याप्टर–१’ का निर्माता विनोद पौडेल र गुञ्जन गिरी हुन् । रमेश चौलागाई र हरि श्रेष्ठ सह–निर्माता रहेको चलचित्रका कार्यकारी निर्मातामा विशाल लामा, हरि मोक्तान, कृष्ण भट्टराई, नीराजन लुइँटेल र सन्देश श्रेष्ठ रहेका छन् । फिल्म हिन्दी संस्करणमा असोज ६ देखि रिलिज हुँदैछ ।
