ऊर्जामन्त्री कुलमान घिसिङले गठन गर्न लागेको नयाँ ‘उज्यालो नेपाल पार्टी’ मा बहुप्रतिभाशाली कलाकार रिमा विश्वकर्मा जोडिएकी छन् । घिसिङको पार्टीले प्रस्तावित ५१ सदस्यीय केन्द्रीय समितिमा रिमाको नाम पनि समावेश छ ।
होस्टिङ सँगै कलाकारितामा समेत सक्रिय रिमा पहिलो पटक कुनै पनि राजनीतिक दलमा आबद्ध भएकी हुन् । उसो त उनले मंगलबार मात्रै सामाजिक सञ्जालमा स्टाटस लेख्दै राजनीतिमा आउने संकेत गरेकी थिइन्।
दर्जनौं म्युजिक भिडियोमा मोडलिंग गरे पश्चाते उनले स्वर मार्फत फिल्ममा डेव्यु गरेकी थिइन् । करिब दुई दशक लामो कलाकारिता यात्रामा रिमाले सयौं म्युजिक भिडियो र दर्जन जति फिल्ममा अभिनय गरेकी छन् ।
रियालिटी शो होस्टमा रिमा पहिलो रोजाइमा पर्छिन् । रिमाको राजनीतिक करिअर अब कस्तो होला त ?
